O outono en Ourense ten as súas propias formas de celebrarse: arredor dunha fogueira, con castañas asadas, algo que beber, música e xente coa que compartir.
Levamos cinco anos atopándonos en Montealegre para celebrar o magosto. Cinco anos de momentos, de caras coñecidas, de xente que volve e de xente que chega por primeira vez.
Pero este ano é diferente.
Catro días, dous escenarios e un Dub Corner, coa escena musical galega como protagonista: electrónica, música urbana, reggae, drum & bass, rock e moito máis.
Porque hai tradicións que non precisan cambiar. Só precisan seguir medrando.
Parte do recadado será doado a ASANOG, Asociación de Cáncer Infantil y Juvenil de Galicia.